Eto na at kakaba-kaba

Samutsari na ang aking nararamdaman ngayon. Masaya, malungkot, excited na hinde, takot at kaba. Nakatanggap na kasi ako ng liham (email) mula sa NZ Embassy makati. Ang sabi sa liham ay malapit na raw mailabas ang aking work visa at kelangan ko lang daw maglabas ng booking certificate na nagpapatunay na meron na akong plane ticket patungong Wellington.

Professional anxiety:

Sapat na ba ang aking kaalamang teknikal ? Gaano kagaling ang mga bumbay (Indian) at puti kumpara sa gwapong kayumanggi na kagaya ko ? Sa ganitong industria (IT kompyuter) eh di sapat ang lakas ng loob at sipag. Kelangan din ng malalim lalim na karunungang teknikal at diskarte.

Personal anxiety:

Dahil hindi naman kalakihan ang apartment na aming nire-rentahan eh kami, bilang isang pamilya, ay naging malapit kami sa isa't isa. (Pwede pala ang prepositional phrase sa tagalog)

Inay at Itay :

Sana'y maalagaan kayo ng mabuti ng dalawa kong kapatid. Kung dati ay ang aking mga magulang ang naging takbuhan ko sa aking mga problema, ngayon naman ako na ang tinatakbuhan nila.

Dati sila ang aking pader, ngayon naman ako ang inaasahan nilang sandalan.

Sister and brother :

Baka sa email ko na lang kayo mapayuhan ng inyong mga problema. Yung nakakabatang kong lalaking kapatid lang ang tanging nakakapagpa-halakhak sa akin magpasa-hanggang ngayon. Sa aking nakakabatang babae, Hindi kami ganun ka close dati, nagiba ang lahat nang ako'y nakisilong na sa aking mga biyenan.

Sa aking Sanggol :

Hindi ko inakala na ang isang maliit na nilalang na kagaya mo ay makakapagbigay sa akin nang labis na kaligayahan. Dahil sayo hindi ko na napapansin ang traffic, init sa loob ng fx, amoy ng katabi ko sa fx. Biglang naging maganda ang mundo ko dahil sa yo.

Ika-nga ng toothpaste commercial eh.. "ang mundo ko... kumukutitap".

Sa aking pinakaminamahal :

huwag ka sanang malungkot,

Wag kang makikining ng Freddie Aguilar

Kamusta ka aking mahal
sana'y nasa mabuti ka
ako'y wag mong intindihin
nakakaraos din

Panaginip ko'y laging ikaw... sinta...
Mahal.. kamusta kaaa...

Ayos! tamang karaoke.

Natatandaan mo kung abril nang tayo'y magbakasyon sa kota kinabalu. Ang ating napagplanuhan ng long term ay ang tayo'y maninirahan sa ibang bansa. Eto yung gusto natin hindi ba ? yung hindi na natin pro-problemahin kung saan kukunin ang pangmatrikula ng ating anak.

Seguridad, seguridad at seguridad para sa ating dalawa kapag tayo'y me edad na. Habang bata pa at kaya pa ng katawan. KAYOD!

Naalala mo yung text ko sayo dating nanliligaw pa ako sayo ? "Each second that passes is like a needle pulled out of my heart. For I know that I will be with you soon." Walang nag-aakala na napaka-kesong (Cheesy) tao ako nun.

Mahal kita.